من أنا ؟
مرحبا بك في الموقع. أشكرك على اهتمامك بالتعرف على المزيد عني، أنا محمود سعد أخصائي تغذية و مدرب معتمد من الاكاديمية الدولية لعلوم الرياضة ISSA أعمل أستشاري تغذية و تدريب وتجهيز برامج التمارين المنظمة لكل المستويات والاهداف.
ما هو هدفي ؟
هدفي هو القضاء على خرافات التغذية و التدريب في الوطن العربي. و أن اعلمك ان الوصول الى جسم قوي خالي من الدهون لا يتطلب تجويع أو حرمان و تمارين شاقة. أريدك ان يكون هدفك هو الحصول على جسم فتنس موديل غاية في الجاذبية. و ليس مجرد خسارة الوزن على الميزان. فهناك حكمة قديمة لمايكل انجلو تقول : ” اكبر خطر يقع علينا ليس ان نطمح الى هدف عالي ولا نحققه , و لكن الخطر الحقيقي هو ان نطمح الى هدف هين و نحققه” و بالتالي هذا الموقع يعتمد على أحدث الدراسات التي تحقق لك نتائج مثالية و ليس نتائج متوسطة. فالعلماء يحاولون دائما المقارنة بين كل اساليب التدريب و التغذية و تحديد أفضلها , و انا أشرح لك هذه الأساليب حتى تستخدمها
قصتي
قصتي شبه قصتك لما بدات اتمرن وقت الاعدادية عشان اظبط جسمي لاني كنت رفيع و عايز يبقى شكلي كويس في الهدوم , وفضلت منتظم لفترة و بعدين زي اي شخص التزم فترة و اقطع فترة , لحد ما انتظمت و بدا الموضوع انه يكون هواية , الفترة ديه في بداية الجامعة كنت بقرا كتب و اشوف فيديوهات لكاباتن في الجيم يتكلمو عن التغذية و التمارين والاصابات و كل المجالات المتعلقة بالجيم , لحد ما اتوفقت في شغل في جيم و انا عندي 20 سنة ساعتها حبيت الشغل في الجيم و الموضوع اتحول من هواية لحب المجال شغل لاني حبيت اساعد الناس سواء واحد بيخس او واحد عايز يزيد او واحد بيتعالج من إصابة و هكذا , ورجعت اكمل الكلية و قطعت شغل لاني كنت في كلية تخطيط عمراني جامعة القاهرة و مجال الكلية عملي جدا وكان صعب اوفق بين الشغل و الكلية , انا ماكنتش من الناس المبسوطة في فترة الكلية و دراستها زي مهندسين كتير نفسيا مكنتش مستريح و مش متخيل ان ده هيكون مجال شغلي و ادفن نفسي فيه , بعد ما اتخرجت خدت قرار اني اعمل شيفت كارير واني اشتغل في مجال الفيتنس و اسيب مجال الهندسة , بعدها قررت اني ادرس المجال ISSA اكتر و اعرف اكتر و اخد شهادة اعتماد فيها عشان اكون محترف اكتر في شغلي , درست حوالي سنة في اكادمية الامريكية في مجال التمرين و التغذية و اشتغلت في جيم كبير في القاهرة لكن شغفي في المجال اللي كان بيحركني لفكر جديد غير الروتين العادي اني اكون مدرب في جيم , فكرت في حاجات كتير و اني اعمل مشروع كبير يخدم اكبر عدد من الناس و عملت افكار كتير منها نجحت و منها فشلت , لحد ما عملت فكرة الموقع هنا و اني اجهز برامج تمرين للناس تكون جاهزة عالتطبيق و مقالات ثقافية تعرف الناس اكتر عن المجال بطريقة علمية , انا حلمي اني اوصل فكرتي وافيد اكبر عدد من الناس و اوصلهم لهدفهم .
مبادئي
لن أخفي عنك أي معلومات عن مجال التغذية و التمرين. لن أبيع مكملات غذائية على هذا الموقع لأني أقول رأيي بصراحة , بالسلب او الايجاب عن المكملات هدفي الأول أن اساعدك على تحقيق هدفك و أن احميك من الخرافات